|
YA DE DİNA DİNA-1
(şüare)
Chime: Desmala Sure
Amnonia vırene 1994
Amor 12/2
Ya de dina dina,
De bıra çı zalıma dina.
Yê sari het de gul u sosına
Ma het de çaê adır u kıla.
Bıraê mı ke şiyo nêşiyo,
Sawda bıraê mı gosê mı nina.
Ya de dina dina,
Çıra honde xayina.
Xojivê yê kêşi bo,
Cigera xo zerede butına.
Yê mınê mı seveta bıraê mı,
Mı zere de dırvetına.
Ya de dina dina,
Peroz pesewe çerexina.
Mı va feleko çêvêsaye,
Bıraê mınê bêkêşi dıma çaê fetelina.
Mı va feleko çêvêsaye,
Yê mı dina de jükêk bıraê mıno
Mıra çaê cêra kena.
Ya de dina dina,
Çaê honde zalıma.
De bıra tı coru xorê efkar meke,
To dıma zulmatiye amê ma serde.
Bıra, kiafıru neçe mordemi qırrkerdi,
Cendegi verday tija amnoni verde.
Ya de dina dina,
Bıraê mı bağıre verde hêgayi.
Zalımu kardi arde wertê Dêrsımi,
Ağlerê Dêrsımi qırrkerdi qedenayi.
Kiafıri kardia ma onte we,
Sarebırnayme jê mal u gayi.
Arker: Hawar Tornêcengi
Vatoğê na (şüare), bırayê khalıkê mı Hesê Cengi'yo.
|
